DHL Буухиа шуудангаар БНХАУ руу тээвэрлэгдэх татвартай шуудангийн зааварчилгаа

БНХАУ дахь экспортлогч болон импортлогчид тус улсын гаалийн газарт Бүртгэлийн кодтой байх шаардлагатай.. Мөн тус улсын гаалийн газраас бүртгэлийн кодтой аж ахуй нэгжийг сонгон өөрийн шуудангийн экспортлогч, импортлогчоор төлөөлүүлж болно. Уг бүртгэлийн код нь бичиг баримт болон хувийн эд зүйлээс бусад шуудангийн гаалийн бүрдүүлэлтийн мэдүүлгийн маягт дээр тэмдэглэгддэг. Иймд БТКУС-ын код (HS code) болон гаалийн бүртгэлийн код (CR code)-ыг нийлүүлэлт/худалдаа хийж буй талдаа цаг алдалгүй мэдээлэх нь таны шуудангийн саатах эрсдлийг багасгана.

БНХАУ руу орж гарч буй импорт, экспортын онцгой дагалдах бичиг баримттай шуудан тус бүрийг БТКУС код буюу гаалийн бүрдүүлэлтийн маягтад бүртгэгдэх кодоор хангана. Барааны зохих БТКУС код болон дэлгэрэнгүй дагалдах баримттай шуудангийн ангилан ялгалт болон гаалийн бүрдүүлэлтийн үйл явц түргэн хийгдэнэ.

Одоогоор загвар бүтээгдэхүүн болон сурталчилгааны зориулалттай материалуудын үнийн дүн нь 400 юань (71 ам.доллар)-аас хэтрээгүй (бага) тохиолдолд гаалийн татвараас чөлөөлөгдөнө. Гаалийн татваргүй бараа, материалын босго үнэлгээ өөрчлөгдөнө. Шинэ босго үнэлгээг тухайн барааны БТКУС кодын ангилалд үндэслэн тогтооно. Татвар ногдох шуудангийн /бараа/ үнийн дүн 50 юань (ойролцоогоор 7 ам.доллар-аас) бага тохиолдолд татвараас чөлөөлнө.

Хувь хүний хэрэгцээний тодорхой тоо хэмжээтэй агууламж бүхий ачаа тээш (чемодан) болон бараа эсвэл бэлэг дурсгалын зүйлд дараах хязгаарлалтууд үйлчилнэ.

• Үнэлгээний босго: 1.000юань (150 ам.доллар)-аас бага
• Хэрэв тухайн илгээмж зөвхөн 1 нэрийн 1 ширхэг зүйл агуулсан бөгөөд энэ нь 1.000юань (150 ам.доллар)-аас илүү тохиолдолд үүнийг хувь хүний илгээмжинд тооцон бүрдүүлэлт хийлгэнэ.
• Гаалийн бүрдүүлэлтийн бичиг баримт
  - Ачаа тээш (Чемодан): Хүчинтэй виз бүхий гадаад паспорт ба хилийн шалган нэвтрүүлэхийн ОРОХ/ГАРАХ тамгатай байх, Хилийн гаалийн тамгатай ачаа тээшийн дэлгэрэнгүй жагсаалт
  - Хувь хүнд илгээж буй бараа эсвэл бэлэг дурсгалын зүйл: Хүлээн авагчийн паспортын хуулбар, Бараа болон бэлэг дурсгалын зүйлсийн жагсаалт болон дагалдах баримт