Баглаа боодлын зөвлөгөө

DHL-ийн олон улсын сүлжээгээр таны илгээмжийг хэдэн мянган км-ийн замыг туулж хүрэх газарт хүргэдэг. Илгээмжийн бүрэн бүтэн байдлыг алдагдуулалгүй, цагт нь хүргэхийн тулд DHL бүхнээ зориулан ажилладаг.

Ачааг аюулгүй бөгөөд гэмтэлгүй хүргэхийн тулд илгээмж нь тохирсон материалаар савлах нь зүйтэй.

Тээвэрлэхэд танд юу чухал вэ?

Гэмтлээс сэргийлэхийн тулд илгээмж нь маш сайн савлагдсан байх шаардлагатай. Таны тээвэрлэх гэж буй ачааны төрөлд хамгийн сайн тохирсон савалгааг үнэлэх.

Савалгааны нэн чухал зүйлс:

express_packaging_packing_considerations_480x155

Савлагаа таны илгээмжийг хамгаална

Савлагааг чанартай сайн гүйцэтгэх нь тээвэрлэлтийн турш таны илгээмжийг хамгаална. DHL туршилтаар баталгаажсан олон төрлийн савалгааг санал болгодог. Гэхдээ та өөрийн материалыг хэрэглэхийг илүүд үзэж байвал дараах ерөнхий зааварчилгааг танд хүргэж байна.

Материал	Илгээмжинд маш сайн чанарын картонон хайрцгыг ашиглана уу. Гэмтэж болзошгүй эсхүл хүнд эд зүйлсийг хоёр давхар болон гурван давхар зузаан ханатай картонон хайрцганд хийхийг санал болгож байна. Хуучин хайрцаг чанараа алдсан байдаг учир дахин хэрэглэхээс зайлс хийнэ үү.
Бат бөх байдал	хайрцагны чанар болон бат бөх байдлын тухай мэдээллүүдийг өгөх хайрцган дээрх үйлдвэрлэгчийн тэмдгийг харна уу. Шаардлагатай бол хайруаг нийлүүлэгчээс тодруулж асууна уу. Илгээмжийн жинд тохирсон савлагааг сонгохын тулд хайрцган дээрх үзүүлэлтийг харгалзан үзнэ үү.
Хэмжээ	Хагас дүүрэн хайрцаг нурж унах аюултай бөгөөд ачаалал ихэдсэн хайрцаг задрах магадлалтай. Үүнээс урьдчилан сэргийлэх үүднээс илгээж буй ачааны хэмжээнд тохирсон хайрцаг сонгоно.

Савлагааны техник

Илгээмжийг савлахад тохирсон хэд хэдэн чухал зарчмууд бий.

Хоосон зай үлдээхгүй байх

Дамжин өнгөрөх үед ачаа хөдөлж илгээмж болон хайрцганд гэмтэл учруулахаас сэргийлэн хоосон зайг бүрэн дүүргэх нь чухал.

6 см зай

Тухайн эд зүйлийг аливаа гаднах хана эсхүл булангаас хамгийн багадаа 6 см-ийн зайд, хайрцагны төв хэсэгт тээвэрлэнэ.

Эд зүйлсийг тусад нь ороох буюу тусгаарлагч хэрэглэх

Нэг савлагаанд олон ширхэг эд зүйлс илгээх тохиолдолд эд зүйл бүрийг тусад нь ороох буюу тусгаарлагч эсхүл тохирох тусгаарлах материалаар салгаж хийх.

Чанартай битүүмжлэлээр хамгаалах

Дамжин өнгөрөх үед ачааг задрах эсхүл гэмтэхээс хамгаалахын тулд таны сонгосон наадаг тууз болон илгээмжийн лацыг хамт хэрэглэх нь илүү найдвартай хамгаалалт болно.

Даралтанд мэдрэг тууз ашиглах

Полипропилен тууз (бор пластик тууз)
Хулдаасан наадаг тууз (цахилгааны тууз)
Мяндсан, хатууруулж бэхжүүлсэн тууз (туузан наалт)

Дараах зүйлсийг хэрэглэхээс татгалзана уу

Бор цаасан тууз
Хальсан тууз
Утас

H хэлбэрээр тууз наах

H хэлбэрээр тууз наах аргыг ашиглан бүх ирмэгүүдийг битүүмжилсэн болохыг баталгаажуулах:

Гол хэсэгт 1 хэсэг тууз наах
Ирмэг хэсгүүдэд 2 хэсэг тууз наах

Илгээмжийн шошгыг байрлуулах

Илгээмжийн шошгыг цэвэрхэн байрлуулах нь таны илгээмжийг DHL-ийн сүлжээгээр саадгүй тээвэрлэх баталгаа болно.

Илгээмжийн шошго

Илгээмжийн шошгыг хайрцагны дээд хэсгийн гадаргууд найдвартай тогтооно. Энэ нь таны илгээмжийг тээвэрлэлтийн явцад аль болох зөв байрлалд тээвэрлэх нөхцлийг бүрдүүлнэ.

Шошго нь гадаргуу дээр бүрэн харагдахуйц бөгөөд аливаа ирмэгийг халхлахааргүй байна
Бусад шошго, тууз эсхүл цаас зэрэг нь илгээмжийн шошгыг халхлахгүй байх.
Бид хуучин хайрцаг ашиглахыг танд санал болгохгүй боловч хэрэв та ашиглах тохиолдолд түүнээс өмнө бүх хуучин шошгыг арилгана уу.
Гаднах талын шошго алга болох эсхүл гэмтэх тохиолдлоос сэргийлэх үүднээс илгээмжийг таних нэмэлт шошгыг дотор талд байршуулна.
Хэрэв та өөрийн илгээмжин дээр өөр шошго байрлуулах шаардлагатай бол илгээмжийн шошго байрлаж буй ижил гадаргуу дээр байрлуулахаас зайлсхийнэ үү.
Аливаа сул баримт бичгүүдийг хадгалахын тулд хайрцагны гадна талд байрлуулах шаардлагатай нэвт харагдах наалдамхай пластик уутыг ашиглаарай.